PRUTL KOYRIKORT

2.000 kr + avgreiðslugjald á 50 kr.

Aldursmark: Luttarkarin skal hava fylt 15 ár innan 31. oktober. 

Mannagongd:

Frálæran er løgd til rættis við 27 skúlatímum á 45 minuttir hvør. Her eru 15 tímar í ástøðisfrálæru og 12 tímar í verkligari koyrifrálæru.

Næmingurin skal hava lógligt prutl við til undirvísingina. Loyvi at koyra millum heim og undirvísingarstað, í undirvísingartíðarskeiðinum, verður givið.

Er tú undir 18 ár, krevst eisini, at tú hevur verið á skeið í fyrstuhjálp. Kvøldskúlin bjóðar eisini hetta skeiðið út, og fevnir tað um 8 tímar í frálæru. 4 tímar eru í grundleggjandi uppafturlívgan og 4 tímar í fyrstuhjálp í ferðsluni fyri ungar prutlførarar.

Endalig ástøðisroynd og verklig roynd verður á Akstovuni.

Persónsupplýsningar:

Navn, bústaður, teldupostur, tlf. nr. og føðingardagur.

Kostnaður:

Kostnaðurin fyri koyrikortið er  2000 kr. Í gjaldinum er teorifrálæra, koyrifrálæra, teoribók, fyrstuhjálparskeið, gjald til akstovuna fyri ástøðis og verkligu royndirnar á 150kr og sjálv útgávan av koyrikortinum, sum kostar 150kr.

Fyrsti undirvísingardagur verður mánakvøldið  25. august 2025 í Tofta skúla kl.18.00.  

Hetta fyrsta kvøldið verður millum annað avtalað, hvørji kvøld luttakararnir fara at møta framyvir. 

Vinaliga Hugo Kristiansen