MATGERÐ - VIÐ MAUD WANG HANSEN

Kom við á matskeið í Tofta skúla 16. novembur kl. 10-16.

Heiti: Burðardygg marglætis máltíð úr stuttfluttum rávørum. Stuttflutt merkir, at rávøran er staðbundin og ikki innflutt úr fjarskotnum londum. Føroysk rávøra er leskilig og smakkfull og leggur tí upp til sera góðan smakk. Áhugi fyri at gera mat er einasta førleikakrav.

Vit gera eina 3 rættar marglætis máltíð úr góðum føroyskum rávørum.

Vit fyrireika okkum saman og gera ein forrætt, ein høvuðsrætt og okkurt leskiligt omaná.

Vit súlta og gera tilhoyr til rættirnar og dekka eitt felags borð og njóta matin saman.

At hava við: Inniskógvar, fyriklæði og møguliga ein góðan knív.

Undirvísari: Maud Wang Hansen

Luttøkugjald: 200 kr. + avgreiðslugjald á 20 kr. + tilfar til matin.